Nakakita na bala kamo sang isda nga nakahibalo magmaneho sang salakyan? Si Thomas de Wolf nga isa ka engineer sa Netherlands naghimo sang isa ka salakyan para sa iya goldfish nga si Blub.
Naghimo ini sang four-wheeled vehicle kun sa diin ang water tank amo ang nagaserbe bilang driver’s seat.
Ang vehicle ginakontrol paagi sa pag-analyze sa giyo sang goldfish sa sulod sang tank.
Suno diri, luyag niya nga ipakita sa mga tawo nga posible malab-ot ang ini nga kaangay nga teknolohiya kag nagalaum ini nga maabot ang adlaw nga makabulig siya sa mga tawo nga may mobility issues.
Ang goldfish nga si Blub ginbutang sa salakyan kun sa diin nagbyahe ini sa 40 feet kag 3.36 inches nga kalayoon nga amo sa karun ang bag-o nga Guinness World Record para sa pinakalayo nga nabyahe sang motion-sensing vehicle sa pagdumala sang goldfish sa sulod sang isa ka minuto.
