Ginakasubo sang gobernador sang Negros Occidental ang natabo nga shooting incident sa Ateneo de Zamboanga University kahapon sang aga, August 18.
Sa interview kay Governor Eugenio Jose “Bong” Lacson, indi ini ang una nga natabo nga may nagluntad nga shooting incident sa eskwelahan, gani dapat hugton gid sang mga security personnel ang pagpatuman sang security measures agud wala sang estudyante nga makasulod nga may dala nga armas-luthang.
Madumduman nga duha ka estudyante ang kumpirmado nga patay sa pagpangluthang sa sulod sang Ateneo de Zamboanga Junior High School.
Natabo ini 7:50 AM subong nga Martes, Agusto 18, 2026.
Base sa imbestigasyon, hinali lang nagsulod sa classroom ang Grade 7 student nga suspek nga may dala nga pusil kag nagpalupok samtang nagapadayon ang klase.
Naka-live pa sa iya facebook page ang suspek samtang ginahimo ang krimen.
Nakit-an sa video ang pagdinalagan sang mga manunudlo kag estudyante kag isa sa ila ang naigo kag natumba.
Matapos ang krimen, nag-utas man sang kaugalingon nga kabuhi ang suspek.
