Ginarespeto sang gobernador sang probinsya sang Negros Occidental ang desisyon sang tagsa ka local government unit (LGU) kun indi nila pagsundon ang stratehiya nga pagdeklarar sang hot zones sa mga lugar nga may Persons Under Investigation (PUI).
Sa press conference ni Governor Eugenio Jose “Bong” Lacson, ginapahayag sini nga nakadepende sa mga LGU sa probinsya ang pagdeklarar sang hot zone bangud indi tanan sang mga ini ang pabor sa pagdeklarar sini.
Isa man ini ka rason suno kay Lacson kun ngaa wala sini ginpost ang declared hot zone sa official facebook page sang provincial government.
Aminado naman ang gobernador nga indi kinahanglan buksan ang mass transportation bangud katuyuan sang ECQ nga ilimit ang mobility sang mga tawo.
Nagalaom naman ini nga maganubo ang mga PUIs kag PUMs sa probinsya.
Madumduman nga cleared na ang tanan nga PUI sa Negros Occidental apang pila sa mga ini ang naghingyo nga tapuson ang 14 ka adlaw nga quarantine.
