Ginpasiguro sang duha ka mataas nga opisyales sang probinsya sang Negros Occidental nga sila ang magahugpong sa gihapon sa local politics apisar nga magkatuhay ang ila nga ginasuportahan nga presidential candidates sa May 9 elections.
Nahibaluan nga ginasuportahan ni Negros Occidental Governor Eugenio Jose “Bong” Lacson si Vice President Leni Robredo samtang si Vice Governor Jeffrey Ferrer naman si Ferdinand “Bongbong” Marcos Jr.
Ginpahayag ni Negros Occidental Governor Eugenio Jose “Bong” Lacson nga indi mahapos ang pagtukod sang coalition gani indi sang mga ini pagtugutan nga maguba lamang bangud sa presidential election.
Ginarespeto sang mga ini ang ginpili sa kada isa.
Nagpanawagan man si Lacson sa iya mga suporters nga suporteran man ang ginpili ni Vice Governor Jeffrey Ferrer.
Suno kay Lacson dapat nga ipabilin ang coalition kag suportahan kun sin-o man ang mangin madinalag-on nga presidente kag magapungko sa June 30 sang udto.
Samtang, ginpasalamatan ni Lacson ang 30 ka mga alkalde sa probinsya nga nag-endorso sa ila ni Vice Govenor Ferrer.
Gin-apresyar sini ang efforts kag ginarespeto ang ila mga choices kag ang mabaskog nila nga pambato ang ila nga hinimuan kag performance sa nakaligad nga tatlo ka tuig.
Magapadayon ang mga ini sang pagserbisyo publiko kag ginadiscourage sang mga ini ang negative campaign kaangay lamang sang natabo sang 2016.
Samtang, ginpanawagan man ni Vice Governor Jeffrey Ferrer sa mga nagasuporta kay BBM nga suportahan man si Governor Eugenio Lacson bangud ang katamdem kag nagpahayag man ini nga sa local tuman sila ka solid.
May yara man sila sang nagaisa nga pwersa sa bilog nga probinsya sang Negros Occidental kun local politics ang paghamabalan.
Suno diri dapat nga magrespetuhay kag suportahan ang kada isa bangud ang gobernador ang nagakinahanglan sang bise gobernador vice versa.
Suno pa kay Ferrer bisan ano pa ang mangin resulta sang election, may advantage ang Negros Occidental.
