Kumporme ang gobernador sa probinsya sang Negros Occidental nga gamiton bilang evacuation centers ang Yolanda Housing Units inkaso nga magsaka sa alert level 4 ang status sang bulkan Kanlaon.
Sa interview sang Bombo Radyo kay Governor Euegnio Jose ‘Bong’ Lacson, ang tent city nga gintukod ang plano sang Office of Civil Defense kag may agreement na sa Himamaylan City kun diin ini ginpatindog.
Suno diri, diri temporaryo nga saylohon ang iban nga mga evacuees.
Samtang sa ciudad sang Bago naman, ginrelocate ang mga evacuees kag sila ang magatinir sa bahay kubo nga ginprocure sang ciudad.
Sa banwa sang La Castellana, may yara sang mga available na duta kag ang mga nagapuyo sa 4km radius permanent danger zone ang ginrelocate didto.
Pahayag ni Lacson, ang plano nga gamiton ang Yolanda Housing Units ang maayo gid nga himuon bangod ini man ang nagserbe sadto nga quarantine area sa tion sang COVID 19.
Samtang, aminado man ini nga limitado na lang gid ang budget sang mga LGUs kasubong man sa probinsya kasunod sa paglupok sang bulkan Kanlaon.
