Ginmanduan sang gobernador sang Negros Occidental ang Office of the Provincial Agriculturist nga maghimo sang mga rekomendasyon kag plano agud malikawan ang food shortage sa probinsya.
Santo sa mga projections, posible nga may matabo nga food shortage sa pungsod bangud nagamahal ang presyo sang abono kag mga inputs gani posible nga magnubo man ang volume sang pagkaon.
Suno kay Governor Eugenio Jose “Bong” Lacson, ang ini nga problema ang dapat i-address gani iya ginmanduan ang OPA nga maghimo sang mga plano agud ini ang malikawan.
Suno kay Lacson, pagatinguhaan man sang probinsya nga makagenerate sang madamo nga pondo nga kinahanglanon.
Suno diri, apisar nga may yara sang production sang utan, manok, baboy kag iban pa sa probinsya, kinahanglan gihapon nga maghalong kun diin ginakuha ang nasambit nga mga produkto ilabi na sa karun nga may mga pagpamahog sang African Swine Fever kag bird flu.
Nalakip naman sa mga tikang sang gobernador ang pagpaga sang Executive Order nga nagamando sa tanan nga LGU sa Negros Occidental nga maghimo sang mga hagna nga dapat iregister ukon himuon nga legal ang existence sang mga naga-engage sa poultry farming kag mga hog raisers agud ini ang mamonitor.
