Gov. Lacson, nagpasalig nga indi mag-untat ang NOCHP

BACOLOD CITY-Gin-athag ni Governor Eugenio Jose “Bong” Lacson nga indi madula ang Negros Occidental Comprehensive Health Program (NOCHP) apisar nga may yara na sa Universal Health Care.

Suno kay Lacson, mas pasanyugon pa sang provincial government ang NOCHP kun sa diin magapa-in sila sang pondo agud nga ibakal sang bulong para sa mga pasyente nga ma-discharge sa ospital.

Paathag sini, hatagan sang pondo para sa resita nga bulong sang mga pasyente nga na-discharged kag dapat baklon ini mismo sa botika sang district ukon provincial hospital.

Sa ini nga paagi, madugangan pa ang kita sang mga ospital suno sa gobernador.

Apang, dapat masiguro sang mga government-owned hospitals nga mahatag lamang ang mga bulong sa mga NOCHP patients.