Pabor ang gobernador sang Negros Occidental sa pagpostpone sang Sangguniang Kabataan kag Barangay Elections sa 2022.
Sa pahayag ni Governor Eugenio Jose “Bong” Lacson, ginkumpirmar sini nga indi ini ang una nga beses nga ginpostpone ang eleksyon sang SK kag Barangay bangud gin-extend man ang term sang mga nagligad nga barangay officials.
Suno kay Lacson, wala na ini nakibot sang iya nga nahibaluan ang postponement bangud suno sa iya, masami na ini nga gina-istoryahan sang mga maimpluwensya nga opisyal gani ginlauman niya na nga matigayon ini.
Suno sa gobernador, pabor siya sa desisyon bangud mahatagan ang mga barangay officials sang mas malawig nga tion nga makaserbe sa ila tagsa-tagsa ka komunidad.
Gin-engganyo man sini ang mga opisyales sang barangay nga himuon ini nga inspirasyon nga magserbe pa gid sang maayo sa mga pumuluyo.
