Temporaryo nga ginsirad-an kaina ang pila ka entrance sa Bacolod City Government Center matapos nga patago nga nagsulod ang pila ka mga miyembro sang transport groups kag nagprotesta.
Suno kay Gen. Primitivo Tabujara, pinuno sang Public Order and Safety Office (POSO), ang main entrance na lamang sang lobby sang city hall ang ginpabilin nga bukas agud nga indi makasulod ang mga miyembro sang Bacolod Alliance for Commuters, Operators and Drivers Incorporated (BACOD), Kabakod Negros Transport Coalition Incorporated (KNETCO) kag United Negros Drivers and Operators Center (UNDOC).
Suno diri, kaina sang aga may pila ka mga miyembro sang transport groups ang nagsulod nga nakasuksok sang civilian apang paglab-ot sa sulod, ila gin-uba ang ila bayo kag sa sulod suksok sang mga ini ang ila uniform kag nagplastar sang ila tarpaulin.
Apang, ini ang gilayon man nga napa-untat bangod nga may yara sang kapulisan kag negosasyon sa mga leaders sang transport group nga nagpatigayon sang protesta apisar nga wala sila sang permit.
Hugot naman nga ginatsekyar ang pagpasulod sa BCGC agud nga malikawan nga liwat nga matabo ang amo nga insidente kag wala sang may madistorbo nga trabaho.
