Government infra-projects, indi madelay apisar sa pagsaka sang presyo sang mga balaklon epekto sang bigtime oil price hike

Ginsiguro sang Department of Public Works and Highways (DPWH) nga indi ma-delay ang mga infrastructure projects sang Pilipinas apisar nagasaka ang mga presyo sang mga balaklon bangud sa nagapadayon nga pagmahal sang produktong petrolyo sa global market.

Suno kay DPWH Secretary Vince Dizon, ang pagsaka sang presyo sang produktong petrolyo sa halos 120 dollars per barel ang mangin tunaan sang posible man nga pagsaka sang presyo sang mga materyales sa konstruksyon, mangin sa gastos sa pagpadalagan sang mga heavy equipment.

Agud malikawan ang pag-delay, suno diri, mahimo magpatuman sang mga variation orders ukon price escalation provisions sa mga kontrata agud ma-adjust ang pondo, apang hugot sini nga ginapahanugyan nga indi ini dapat abusaron.