Ginpakigbahinan sang madamo nga mga ahensya sa pribado man ukon gobyerno ang ginpatigayon nga quarterly earthquake drill nga ginpangunahan sang Office of the Civil Defense.
Sa interview sang Bombo Radyo Bacolod kay Office of the Civil Defense Negros Island Region Director Donato Sermeno III, ginalauman ang tanan nga mga Local Government Units sa Negros Island Region kag sa bug-os nga Pilipinas ang nagpakigbahin sa ginpatigayon nga earthquake drill.
Suno kay Sermeno, ang tinutuyo sang nasambit nga aktibidad ang makahatag sang awareness sa publiko kun ano ang dapat nga himuon sa tion nga magluntad ang linog.
Aminado man ang regional director nga nakahibalo na ang publiko kun ano ang himuon sa tion sang linog.
Suno kay Sermeno sa ulihi nga quarter sang tuig ilakip sang Office of Civil Defense sa earthquake ang tsunami drill bangud sa tion nga may linog may yara sang posibilidad nga magaluntad ang tsunami.
