Ginkumpirmar sang gobernador sa probinsiya sang Negros Occidental nga nabaton na sini ang report kag kinahanglan sabton sang municipal treasurer kun ano ang natabo sa kwarta sang banwa sang Isabela.
Madumduman nga tres milyones pesos nga balor sang kwarta kag mga cheke ang ginaalegar nga ginkawat sa balay sang municipal treasurer sang Isabela sa Barangay Taculing diri sa ciudad sang Bacolod.
Ang municipal treasurer ang ginkilala kay Nenette Escarda kag nagapuyo sa Purok Jardin, Dona Juliana, Barangay Taculing, Bacolod City.
Suno kay Negros Occidental Governor Eugenio Jose “Bong” Lacson, nabaton na sini ang report kag dapat sabton lamang sang treasurer kun ano ang natabo kag ieksplikar sa nadula nga kwarta.
Suno kay Lacson, iaddress man sang probinsiya ang issue kag magapatigayon man sang imbestigasyon.
Nahibaluan nga ginbutang sang Bureau of Local Government Finance (BLGF) ang Municipal Treasurer sang Toboso bilang Acting Municipal Treasurer karon sang banwa sang Isabela.
Ini angkasunod nga under investigation sa karun si Isabela Municipal Treasurer Nenette Escarda.
Si Escarda ang ginapa-imbestigaran matapos iya nadula ang pundo sang munisipyo nga nagabalor sang kapin P6.4 million ( cash kag checke ) sa iya balay sa Brgy. Taculling, ciudad sang Bacolod sadtong Enero 21.
Nahibaluan nga ang treasurer sang mga local government units ang yara sa idalum sang Bureau of Local Government Finance.
