Wala sang nakita nga problema ang gobernador sang probinsya sang Negros Occidental sa mga nagapabutyag sang interest nga magbunggo sa iya sa pagkagobernador sang probinsya.
Sa press conference nga ginpatigayon ni Governor Eugenio Jose “Bong” Lacson, ginpahayag sini nga indi man makapili sang mangin opponent sa patag sang pulitika.
Kinahanglan man suno sa iya nga maggwa sa publiko ang luyag nga magpadalagan sa madason nga tuig agud mahibaluan ang luyag sini nga himuon sa probinsya.
Mapadayon man ang gobernador kaupod ang bise gobernador kag Sangguniang Panlalawigan members sa ila trabaho tubtob sa bulan sang Oktubre para sa filing of candidacy.
Wala man siya sang rason agud magpanumdum nga indi na siya magpabilin sa pwesto bangud santo sa ginmensyunar ni Vice Governor Jeffrey Ferrer nga ang UNEGA ang nagkomiter nga ipabilin ang coalition sang Negros kag provincial level.
Ginpahayag man sini nga ginpangabay siya sang UNEGA nga mag-administer sang oath of office para sa bag-o nga mga officers.
Nagapati man ang gobernador sa gin-anunsyar sang UNEGA kag mapabilin sila sa pagtrabaho nga ululupod nga may paglaom nga ang coalition sa local level ang magaexpand man.
