Ginakabig ni Provincial Legal Officer Alberto Nellas Jr. nga pagtimalos ang pagpasaka sang reklamo administratibo ni anay Provincial Legal Officer Atty. Ernie Magaspag batok kay Governor Eugenio Jose Lacson sa opisina sang presidente.
Sa press conference, si Magaspag ang nag-akusar sa gobernador sa gina-aligar nga irregularidad.
Suno kay Nellas, ginforward naman nila ang ila sabat sa alegasyon ni Magaspag sa opisina sang presidente kag gin-athag man sini nga ang mga issuances ang ginreview sang Provincial Legal Office kag nagasanto sa layi.
Ginpahayag man sini nga wala sang nagakaigo nga ebidensya nga makapamatuod sa gina-alegar nga irregularidad baliskad sa ginclaim ni Magaspag.
Ang pagpasaka sang reklamo administratibo batok kay Lacson ang nag-ugat matapos nga gindismiss sang Provincial Government sang Negros Occidental si Magaspag nga anay assigned sa Provincial Legal Office bangud sa administrative case.
Padayon naman nga gina-imbestigaran sang Provincial Legal Office ang tatlo ka anay department heads.
Ginpahayag man ni Nellas nga wala pa ini nakabaton sang impormasyon angot sa reklamo nga ginpasaka ni Magaspag batok kay Provincial Administrator Rayfrando Diaz.
