12 ka mga provincial elected officials sa Negros Occidental nga nagdaog sa eleksyon ang ginproklamar sang Provincial Board of Canvassers (PBOC) subong nga adlaw.
Napulo sa mga ini ang mga re-elected officials nga ginalakipan nanday Governor Eugenio Jose Lacson, Vice Governor Jeffrey Ferrer, mga Board Members nga sanday Rommel Debulgado kag Araceli Somosa sang 1st District, Manuel Frederick Ko – 3rd District, Rita Angela Gatuslao – 5th District, Valentino Miguel Alonso kag Jeffrey Tubola sang 6th District.
Ang mga kongresista nga ginproklamar amo sanday Gerardo Valmayor sang 1st District, Juliet Marie Ferrer sang 4th District kag ang nagbalik nga si Mercedes Alvarez-Lansang sang 6th District.
Ginproklamar man ang bag-o naelect nga Provincial Board Member sang 5th District nga si Anton Occeno.
Ang proklamasyon ang ginpatigayon sang PBOC nga ginapamunuan ni Acting Comelec Provincial Supervisor Atty. Roberto Salazar, sa session hall sang Sanguniang Panlalawigan.
Suno kay Negros Occidental Governor Eugenio Jose “Bong” Lacson, ang unanimous nga boto sang mga pumuluyo ang manifestation sang approval sang ila hinimuan sang nakaligad nga tatlo ka tuig.
Mangin inspirasyon man ni Lacson ang overwhelming nga kadalag-an sang May 9 election.
Dako ang pagpasalamat ni Lacson sa mga Negrosanon nga liwat nagboto para sa iya kag kay Vice Governor Jeffrey Ferrer kun sa diin sila sa gihapon ang nakakuha sang dako nga boto.
Suno sa gobernador, ang resulta sang sini nga eleksyon ang mangin rason agud nga sila ang magtrabaho pa gid sang husto kag maghatag sang maayo nga serbisyo.
