Ginakalipay kag ginakabig nga welcome development ni Negros Occidental Governor Eugenio Jose “Bong” Lacson nga duha sa tatlo ka mga gin-appoint ni President Ferdinand Marcos Jr., bilang mga opisyales sang Sugar Regulatory Board ang Negrense.
Kahapon, opisyal na nga nagpanumpa sa atubang ni Marcos Jr. sanday acting Sugar Regulatory Administrator (SRA) avid John Thaddeus Alba; Pablo Luis Azcona nga gin-appoint bilang board member nga nagarepresent sa sugar planters kag Ma. Mitzi Mangwag bilang board member nga nagarepresent sa sugar millers.
Si Alba kag Azcona ang lunsay mga nagikan sa Negros Occidental.
Suno kay Governor Lacson, madugay na nga ginahandom sang probinsya nga Negrense ang magapamuno sa SRA kag maayo nga ini ang nareorganized na.
Sa karun nga onboard na ang mga bag-o nga opisyal, suno sa gobernador, sarang na nila nga matackle ang mga issues kaangay sang ginaalegar hoarding kag smuggling sang kalamay nga nakumpiskar sa mga bodega sa pila ka bahin sang Luzon.
Suno sa iya, kalamay, mais ukon bugas man, basta may yara sang smuggling nga nagakatabo, maapektuhan gid ang industriya gani kun may madakpan, dapat gid nga i-apprehend.
