Nagalaom ang gobernador sang Negros Occidental nga masolbar ang asod-asod nga insidente sang pagpangluthang sa ciudad sang Bacolod.
Suno kay Governor Eugenio Jose “Bong” Lacson, apisar nga indi maapektuhan ang peace and order sang probinsya bangud lone district ang Bacolod City, dapat sa gihapon masolbar ang nasambit nga mga insidente bangud makabig nga alarming ang mga ini.
Suno kay Lacson, sa masunod nga administrasyon sa pagpamuno ni Mayor-elect Albee Benitez, ang Bacolod kag Negros Occidental ang magabuligay sa masunod nga tatlo ka tuig.
Suno sa iya, apisar nga indi apektado ang probinsya sa nagakatabo sa ciudad, dapat ini gihapon diskusyunan kag pangitaan sang solusyon.
Sa bilog nga bulan sang Hunyo, walo na ka insidente sang pagpangluthang ang nagluntad sa ciudad.
