Governor Bong Lacson, nagalaom nga mapasar subong nga tuig ang hagna nga magatukod sang Negros Island Region

Nagalaom ang gobernador sang probinsya sang Negros Occidental nga maaprubahan na sa final reading subong nga tuig ang hagna nga nagaduso sang pagtukod sang Negros Island Region (NIR).

Suno kay Governor Eugenio Jose Lacson, positibo siya nga maaprubahan bangud nakapasar na sa second reading ang House Bill 7355.

Ginpanginbulahan sang gobernador ang mga kongresista nga nagsuporta sa hagna ilabi na ang mga kongresista sa Negros.

Suno kay Lacson, kun makita na nga posible na ang pag-aprubar sang layi subong nga tuig mahimo na ini nga hulaton.

Natalana naman nga tawgan si Negros Oriental Governor Roel Degamo agud nga pahibaluon sang status sang hagna sang NIR.