Nagpanawagan ang gobernador sa probinsya sang Negros Occidental nga dapat mahatagan sang hustisya ang mga biktima sang mga pagpamatay sa nagkalain-lain nga bahin sang probinsya bangud masubo sa mga nalisdan kun indi mahatagan sang hustisya ang natabo sa ila mga himata.
Suno kay Governor Eugenio Jose “Bong” Lacson, dapat tun-an ang mga nagaluntad nga mga krimen sa probinsiya kag iban nga bahin sang pungsod agud nga mahatagan sang hustisya ang kamatayon sang mga biktima.
Madumduman nga ang isa sa dako nga personalidad sa probinsiya sang Negros Occidental nga ginpatay nga tubtob sa karun wala pa mahibaluan kun ang suspetsado sa pagpatay sa natungdan apisar nga may yara na sang gintanyag nga padya nga P1.5 million sa makatudlo.
Suno kay Lacson, natabo naman sa Negros Oriental nga ang iban nga kaso sang pagpamatay nga unsolved nga nagluntad sang nagliligad nga tinuig ang nahatagan sang atensyon kag nag-idog gani mas maayo kun ini ang matabo man sa iban nga mga kaso sang pagpamatay nga nagluntad sa nagkalain-lain nga bahin sang pungsod.
Nagalaom man si Lacson nga ang paghatag sang hustisya sa kamatayon ni Negros Oriental Governor Roel Degamo ang mangin palaagyan nga mahatagan man sang hustisya ang kamatayon sang mga ordinaryo nga indibidwal nga nangin biktima sang pagpamatay sa probinsya kag iban pa nga bahin sang pungsod Pilipinas.
