Nagapati ang gobernador sang Negros Occidental nga masarangan nga mamanage sang probinsya ang dry season ukon El Niño.
Sa interview sang Bombo Radyo kay Governor Eugenio Jose “Bong” Lacson, indi ini ang labing una nga kahigayunan nga na-eksperyensyahan sang probinsya ang El Niño.
Suno kay Lacson, may dako nga area sa probinsya nga irrigated kag wala ini sang may nagakakita nga problema basta magapadayon ang irigasyon.
Suno diri, may yara sila sang scheduing sa irrigation.
Wala man may nagakakita nga problema ang gobernador para sa mga manugtanom sang tubo kag humay bangud malapit na nga matapos ang milling season kag maayo man bangud tig-ilinit.
Ginapakamaayo sini nga matapos na ang harvest kag makapreparar na para sa masunod nga tuig.
Kun magtig-ululan naman sa Agosto ukon Setyembre, wala man sang problema suno kay Lacson bangud maayo ang timing para sa industriya.
Ang importante suno sa iya, magapadayon ang irigasyon ilabi na sa mga rice farmers.
Dugang pa sini nga kun namanage sang probinsya ang El Niño sadto, masarangan man ini sang Negros Occidental subong nga tuig.
Magatsekyar man ang gobyerno kun ano ang mga options para sa mga farmers kag nagpasalig ini nga sila ang makabaton sang mga assistance tubtob sa masarangan sang probinsya.
