Kahapon sang hapon, ginpagwa na sang gobernador sa Negros Occidental ang Executive Order (EO) nga nagapalawig sang Alert Level 3 status sang probinsya humalin sa Pebrero 1 tubtob 15, 2022.
Madumduman nga sa nakaligad nga EO nagarequire pa sang negative RT-PCR test result ang probinsya sa mga byahero nga gikan sa mga Alert Levek 3 nga lugar.
Sa ginpagwa nga EO No. 32-03 series of 2022, santo sa nakasugtan sa virtual meeting kaupod sa syudad sang Bacolod, nakapahayag nga mahimo na makasulod ang mga interzonal kag entrazonal travel gamit ang Rapid Antigen Testing kag indi kinahanglan nga negatibo nga RT-PCR test.
Sa pihak nga bahin, ang Metro Manila ang ginpanaog na sa Alert Level 2.
Nagapabilin gihapon nga requirement ang S-Pass.
Sa tion naman nga makitaan sang sinyales sang posibilidad sang infection pagabot sa airport, ang probinsya ang magapatigayon sang Rapid Antigen Testing nga pagasabton na sang Provincial Government.
Ang panibag-o nga EO ang epektibo lamang tubtob sa Pebrero 15, 2022.
