Nagpahanumdum si Negros Occidental Governor Eugenio Jose “Bong” Lacson sa mga motorista kag drivers nga maghalong sa pagbiyahe kun magsugod na ang milling season.
Suno kay Lacson, sa bulan sang Setyembre magabukas na ang milling season sa probinsya kag lauman nga madamo nga mga truck sang tubo ang magalabay sa mga dalanon.
Suno sa iya, sa sini nga tion, dapat iactivate sang tagsa-tagsa ka mga local government units (LGU) ang ila Task Force Bantay Dalan agud malikawan ang aksidente kag pagkadula sang kabuhi.
Nagapanawagan man ang gobernador sa mga truckers nga indi magsinobra sa limit kag may mga tion nga indi sila sarang nga makabyahe sa pila ka mga dalanon sa probinsya gani dapat sila nga magcomply.
Nagpahanumdum man ini sa mga motorista kag drivers nga maghalong gid sa milling season bangud may mga trucks kun kaisa sa kilid sang dalan nga nakapark kag wala sang early warning.
Suno diri, dapat nga mangin vigilante kag maghalong sa pagbyahe ilabi na kun gab-i agud malikawan ang aksidente.
