Nagpanawagan ang gobernador sang probinsya sang Negros Occidental sa provincial government sang Cebu, nga ikonsederar ang ginpagwa sini nga Executive Order nga pagban sa pag-agi sang baboy ukon pork products gikan sa Negros.
Madumduman sang Marso 4 nagpagwa sang EO si Governor Gwendolyn Garcia sang Cebu matapos ang pagpati nga ang pagpositibo sang Carcar sa African Swine Fever bangud sa mga poultry products nga naghalin sa Negros.
Ini ginsundan sa joint executive order nga ginpagwa sanday Negros Occidental Governor Eugenio Jose Lacson kag Bacolod City Mayor Alfredo Abelardo Benitez sa total ban sa pagpasulod sang mga pork products kag iban pa nga pork related food items nga nagikan sa may positibo nga kaso sang African Swine Fever kalakip na ang nagikan sa Cebu.
Sa interview sang Bombo Radyo kay Governor Eugenio Jose Lacson, ila na napadal-an sang sulat si Govrenor Garcia nga ikonsederar sini ang pagban sa pagpasulod sang pork products sang Negros sa Cebu, ilabi na nga nagapablin nga ASF free ang probinsya sang Negros.
Suno kay Lacson, chellenging sa karun para sa Negros nga ini natung-an sang duha ka probinysa nga nagpostibo sa ASF.
Ginklaro man sini nga ila ginpagwa ang joint EO ang bangod sa positibo ng kaso sang ASF sa Cebu.
Sa karun, ginahulat pa ang reply gikan sa gobernador sang Cebu.
