Igadeliver ni Negros Occidental Governor Eugenio Jose “Bong” Lacson ang iya tuigan nga State of the Province Address (SOPA) virtually sa Miyerkules, Agosto 25, alas 2:00 sang hapon paagi sa official Facebook page sang Provincial Government of Negros Occidental.
Sa interview sang Bombo Radyo kay Lacson, ginpahayag sini nga iya pagatalakayon sa SOPA ang mga tikang sang provincial government sa pag-address sang COVID pandemic kag mga assistance sang probinsya sa pag-adapt sa new normal.
Igapresentar man sang gobernador ang mga accomplishments sang nagkalain-lain nga departamento kag opisina sa Kapitolyo may kaangtanan sa Abanse Negrense Priority Development Agenda sang administrasyon.
Nagpangagda ini sa mga pumuluyo nga maglantaw sang Facebook sang SOPA nga ikaduha na sini humalin sang siya ang nagpungko bilang gobernador.
Nagpanugyan man si Lacson sa mga Negrosanon nga protektahan ang kaugalingon agud maprotektahan man ang iban, nga kun may kahigayunan nga maka-avail sang bakuna, kuhaon ini nga oportunidad.
