Pabor ang gobernador sa Negros Occidental sa ginpasaka nga hagna sa kongreso nga magapostpone sang Barangay kag Sangguniang Kabataan (SK) Election sa Desyembre 5, 2022.
Nahibaluan nga sang damlag lang, ginfile ni Representative Joel Almario ang House Bill No. 10425 nga nagapostpone sang elekyson sa Desyembre kag magareschedule sini sa Mayo 16, 2024.
Madumduman nga sang pagpungko ni Presidente Rodrigo Duterte, ginpirmahan man sini ang Republic Act 11462 nga nagpostpone sa Barangay kag SK Election sang Mayo 2020 kag ini ang gin-isol subong kuntani nga Desyembre.
Suno kay Negros Occidental Governor Eugenio Jose “Bong” Lacson, pabor ini sa postponement bangod ini ang makabulig sa savings sang gobyerno ilabi na nga dako ang gastos sa pagpatigayon sang eleksyon.
Dugang pa ni Lacson nga tuman naman ka dako ang utang sang Pilipinas nga nagdangat na sa P12.3 thrillion, gani mas maayo suno diri kun mabuhinan ang gastos sang gobyerno.
Paathag sang gobernador nga kun madayun ang Barangay kag SK Elections, ang kabug-usan nga 41,948 nga mga barangay sa Pilipinas ang magakinahanglan man sang dugang nga pondo.
Sa pihak nga bahin, 601 naman ka mga ang may-ara sa Negros Occidental kag 61 ang sa syudad sang Bacolod.
