Opisyal na nga nagbukas ang 28th Panaad sa Negros Festival sa Panaad Park and Stadium sa Barangay Mansilingan, ciudad sang Bacolod.
Ginpangunahan ni Governor Eugenio Jose “Bong” Lacson, gobernador sang probinsya sang Negros Occidental ang nasambit nga aktibidad.
Nangin guests of honor si Senator Imee Marcos nga ginpasalamatan sang gobernador ang iya nga pagtambong sa pihak sang tuman sini kasako nga schedule.
Suno kay Governor Eugenio Jose “Bong” Lacson, naghatag ang senadora sang P200,000 agud idugang nga papremyo sa Best of Festival Dances Competition para sa duha ka kategorya, nga ginalakipan sang cities and municipalities division.
Suno sa gobernador , tinutuyo sini nga mapakita ang unity sang tagsa ka mga Local Government Unit sa probinsya sa amo nga kahiwatan, kag agod ipakita ang pinakamaayo sa probinsiya, kaangay sang mga pagkaon kag produkto, kag ilabi sa tanan ang mga pumuluyo sa Negros Occidental.
Ginpasalamatan sang gobernador ang tanan nga mga stakeholders kag mga opisyales sa probinsya nga naga pakita snag ila suporta sa amo nga kapiyestahan, kag amo man sa mga tagsa ka mga Negrense nga nag-partisipar.
