Pabor si Negros Occidental Governor Eugenio Jose “Bong” Lacson sa pagpostpone sang National Electrification Administration (NEA) sa plebisito para sa joint venture agreement sa tunga sang Central Negros Electric Cooperative (CENECO) kag PrimeElectric.
Madumduman nga ang desisyon ang ginpagwa sang NEA matapos ang pagrequest sang alkalde sang ciudad sang Bacolod kag lima ka ciudad kag banwa sa probinsya sang Negros Occidental para sa temporaryo suspension.
Ini bangod sa mga report sang mga reklamo angot sa mga wala ang pangalan sa listahan, nagtaliwan na apang yara gihapon sa listahan, kag yara sa listahan apang narelocate na kag indi na matultulan.
Naghatag ang NEA sang 60 ka adlaw para sa suspension, agud mapatigayon ang pagtinlo sa master list sang CENECO sang mga member-consumer-owners.
Pabor naman ang gobernador sa desisyon sa panindugan nga nagakadapat lamang nga updated ang listahan bangod ang plebisito ang magadesisyon sa bwas damlag sang Ceneco.
Magluwas dira, ang resulta sang binotohay, amo naman ang magadesisyon sa mangin kahimtangan sang power management sa concerned nga mga local government units (LGUs).
