BACOLOD CITY — Nagpangibabaw ang Grade 11 student sa napulo ka mga kandidata sa MassKara Queen 2018.
Sa coronation night nga ginpatigayon Oktubre 19, ginkoronahan ang candidate no. 10 nga si Ella Mae Mercado, 17 anyos, Grade 11 sa Negros Occidental High School.
Si Mercado ang pinakabata kag ang pinakamataas sa tanan nga napulo ka mga kandidata sa sini nga edisyon sang Search for MassKara Queen kag nakakuha sang awards nga Best in swimwear kag Miss Congeniality.
First runner-up naman ang candidate no. 6 nga si Jacqueline Almogen, 18 anyos, Grade 12 student kag nagakuha sang Humanities and Social Sciences sa Domingo Lacson National High School.
Samtang, 2nd runner-up ang candidate no. 3 nga si Shane Pia, 20 anyos, nag-gradwar nga Cum Laude sa Visayan Maritime Academy sa kurso nga Bachelor of Science in Business Administration major in Financial Management.
Si Pia ang nangin Miss Photogenic kag nakakuha man sang duha ka mga corporate awards.
