Nagapati si Erica Losande nga may sala man ang driver sang modernized jeepney nga nagabyahe Handumanan-Libertad via Mansilingan gani natabo ang aksidente sa Purok Kasilingan, Barangay Mansilingan, Bacolod City sang Lunes sang hapon kun sa diin nalapakan sang royda ang iya nawala nga kamot.
Suno kay Erica Losande nga papauli na sang natabo ang aksidente, padulong sa Handumanan ang ila direksyon sang amo nga tion apang yara pa lang ang mga ini sa bahin sang Cabugwason.
Ang walo ka mga pasahero sang tricycle ang ginalakipan sang backrider, tatlo ka nagapungko sa atubang kalakip siya, samtang apat naman ang nagapungko sa likod.
Suno diri, halin sa Handumanan ang modernized jeep kag padulhog na ini sa Mansilingan.
Sang malayo pa ang jeep, natalupangdan na ni Losande nga nagaamat-amat na tanga ang tricycle kag sarang pa nga magpundo ang modern jeep, apang nag-abante ini tubtub nga nakabunggo diri ang tricycle.
Suno kay Losande, wala siya sang may ginaapinan sa duha ka driver bangud aksidente ang natabo apang nagapati ini nga may sala ang driver sang modern bus.
