Estable na ang kondisyon sang Grade 11 nga estudyante sang Manapla National High School nga ginbuno sa Barangay I-A, Manapla, Negros Occidental.
Sa interview sang Bombo Radyo Bacolod kay Rosalie Lapera, magulang sang biktima, sang magrecess, nagwa ang iya manghod kag nag-agi sa likod sang eskwelahan agud magpaprint sang hinali lamang ginpalapitan sang isa man ka menor de edad nga nagasakay sa bike kag ginbuno sa kilid.
Bangud madamo sang tawo sa area, napunggan sang mga ini ang nagbuno sa biktima gani ini ang wala matam-an.
Suno kay Rosalie, nakaaway na sadto pa sang iya manghod ang nagbuno diri.
Ginalantaw nga away sa grupo kag pagbinaslanay ang motibo sa pagpamuno sa biktima.
Ang biktima ang yara na sa estable nga kondisyon kag nagapaayo na sa ospital.
