Halos indi makapati ang Grade 11 student sang Doña Montserrat Lopez Memorial High School sa ciudad sang Silay nga makuha sini ang pinakauna nga gold medal para sa Department of Education – Silay City Division sa athletics sa Negros Island Region Athletics Association (NIRAA) Meet 2026.
Sa interview sang Bombo Radyo kay Kim J. Alcanza sang Barangay E. Lopez, wala ini naglaum nga makuha ang bulawan nga medalya sa 3,000 meter run sa track and field.
Suno diri, may yara pa ini sang injury sa hawak nga naagom niya sang tinalikdan nga tuig kag nagpasalamat nga sa karun wala na ini naga-apekto sa iya paghampang.
Suno kay Alcanza, ang mga kabudlayan sini nga na agyan amo ang paglain sang iya matyag nga nagapadelay sa iya training.
Apang, sa pagpamati sa iya coach, pagkaon sang maayo kag dedikasyon sa training, nalab-ot na ni Alcanza nga maghampang sang tinalikdan nga tuig sa Palarong Pambansa kag sa karun nakuha pa sini ang first gold medal para sa ciudad.
Pahayag sini, indi sini malipatan ang iya experience kaupod ang iya teammates kag makontra ang mabakod nga mga atleta.
