Patay ang isa ka grade 12 student nga nagasakay sa motorsiklo matapos mabungguan sang isa ka dump truck sa dalan Lacson, Brgy. Mandalagan, ciudad sang Bacolod.
Sa interview sang Bombo Radyo Bacolod kay Police Major Ramil Sarona, pinuno sang Traffic Enforcement Unit, tatlo ka mga estudyante nga wala nagasuksok sang helmet ang sakay sang motorsiklo.
Suno sa report, madasig ang dalagan sang truck kag na-sidesweep ang motorsiklo sang Biyernes sang gab-i.
Nagtabog ang mga ini nga nagresulta sa kamatayon sang 17-anyos nga yara sa pinakalikod sang motorsiklo.
Gindala pa sa ospital ang tatlo apang gindeklarar nga dead on arrival ang isa.
Ang nagapungko sa pangulihi sang motorsiklo ang natabog nga ginbawian sang kabuhi.
Sa karun ginahulat pa ang desisyon sang pamilya sang biktima apang willing naman ang driver sang truck nga buligan ang biktima.
