Patay na sang nasapwan ang Grade 7 student matapos nga malumos sa bahin sang Bagacay River, Sitio Australian Bush, Brgy. Aranda, banwa sang Hinigaran sang Nobyembre 7.
Ang biktima isa ka 12-anyos nga lalaki, pumuluyo sang Sitio Hacienda Joy, Brgy. Candumarao, sa nasambit nga banwa.
Sa interview sang Bombo Radyo Bacolod kay Police Lt. Col. Eduardo Corpus, hepe sang Hinigaran Municipal Police Station, ang biktima kag mga abyan sini ang naghagaray nga magpaligo sa Bagacay River sa ila nga launch break.
Suno kay Corpus, samtang nagapaligo nagkadto ang biktima sa madalom nga bahin sang suba kun sa diin ginalantaw nga ini ang nagpanic gani ini ang nalumos.
Suno diri, gintinguhaan pa sang mga abyan kag classmates sang biktima nga ini ang masalbar, apang sila ang napaslawan.
Bangud sini nagpangayo na sang bulig ang mga kaupod sang biktima, kag ini ang narecover sa bahin sang suba nga malayo na kun sa diin ini nalumos.
Panawagan ni Corpus sa mga otoridad kag mga ginikanan kasubong man sa mga school authorities, nga bantayan kag siguruhon ang safety sang mga kabataan.
Samtang sa mga kabataan naman, nga likawan ang pagpaligo sa suba ukon sa diin man nga lugar nga wala sang pahanugutan nagikan sa mga ginikanan ukon guardians agud malikawan ang kaangay nga insidente.
