Duha ka dalagko nga pinutos sang gina-alegar nga illegal nga druga ang nakuha sa isa ka Grade 9 student sa isa ka eskwelahan sa Bacolod City, kahapon, July 20.
Sa interview kay Police Lt. Benjo Ballo-Allo, officer in charge sang Bacolod Police station 3, may nag-report nga isa ka estudyante sa gwardiya sang eskwelahan nga ang estudyante ang may armas-luthang gani ginpatawag kag gin-usisa ini.
Suno kay Ballo-Allo, nakita sa bag sang estudyante ang duha ka dalagko nga pinutos sang ginasuspetsahan shabu nga ginabanta nagabalor sang P204,000.
Suno sa station commander, ini ang una nga kahigayunan nga na -involve ang 17 anyos sa nasambit nga sitwasyon kag wala man ginabalewala ang posibilidad nga biktima lamang sang tripping ang nasambit nga estudyante.
Ginpangayuan pa sang mga kapulisan sang birth certificate ang nasambit nga estudyante agud nga mahibaluan kun pila ang edad sini.
Ginahulat pa sang mga otoridad ang confirmatory test result sa narecover nga ginasuspetsahan nga illegal nga druga nga nakuha sa estudyante.
