Nalakip ang graduate sang Riverside College diri sa ciudad sang Bacolod sa Top 10 sang 2021 Nurse Licensure Examinations subong nga bulan sang Disyembre.
Sa resulta sang pasinawan nga ginpagwa sang Professional Regulation Commission kagab-i, si Ia Hanna Ballares Samillano ang kaupod sa anom ka mga examinees nga number 4 sa Top 10 nga may yara sang 87.80 percent nga rating.
Nagpanguna naman ang graduate sang Silliman University sa Dumaguete City, Negros Oriental sa licensure exams.
Si Kiara Belle Arante Poblador ang nakakuha sang 89.40 percent nga rating, pinakamataas sa 6, 086 ka mga examinees nga nakapasar sa pasinawan nga ginhatag sa Manila, Baguio, Cagayan de Oro, Cebu, Davao, Iloilo, Koronadal, Legazpi, Lucena, Pagadian, Rosales, San Fernando, Tacloban, Tuguegarao, kag Zamboanga sa una nga semana sang bulan sang Disyembre.
Nagpangaduha naman sanday Francine Beatrice Liao Cruz nagikan Southville International School and Colleges kag Natelie Joyce Mariano nagikan sa Medici Di Makati College, Inc. nga may 88.80 percent rating.
