Isa ka graduate nagikan sa unibersidad sa Bacolod ang nagpanguna sa March 2023 Licensure Examination for Professional Teachers (LET) sa elementary level samtang tatlo ka iban pa nagikan sa Bacolod kag Negros Occidental ang nakasulod man sa Top 10 para sa elementary kag secondary level.
Nangin rank 1 si Andrea Nicole Sumugat, graduate sang University of Negros Occidental-Recoletos (UNO-R) kun sa diin siya ang nakakuha sang rating nga 92.20 percent, samtang kaupod naman sini sa pwesto ang lima ka iban pa nga mga takers.
Si Sumugat man ang nangin Summa Cum Laude sa paggradwar sa UNO-R.
Number naman 9 ang Negrense nga si Silverio Tortocion III, nga graduate sang Kabankalan Catholic College kag nakakuha sang 90.60 percent rating.
Sa pihak nga bahin, sa secondary level naman, nangin number 4 naman si Keana Marie Bartolome nga nakakuha sang 92.20 percent rating samtang number 9 naman si Venus Nicole Jucal nga nakakuha sang 91.20 percent rating, lunsay graduate sa University of St La Salle (USLS) – Bacolod.
Gilayon naman nga nagpalab-ot sang pagpanginbulahan sa apat ka graduates ang ila tagsa ka eskwelahan, kalakip naman ang mga local officials sang Bacolod.
