Gintalana sa April 14 kag 15 ang tanan nga end of school rights sa pagtakop sang School Year 2024-2025 para sa tanan nga pampubliko nga buluthuan.
Sa interview sang Bombo Radyo Bacolod kay Hernani Escullar Jr., public information officer sang Department of Education Regional Office 6 sa DepEd memorandum, sa Abril 14 kag 15 lamang mahimo makapatigayon sang end of school rights kaangay sang graduation kag moving up ceremonies.
Depende naman sa agreement sang School Administration sa mga Parent Teacher Association (PTA) sa kun san-o patigayunon ang mga aktibidad.
Apang pahanumdom ni Escullar ang “no collection policy”, kag dapat patigayunon ang end of school rights kag activities sa sulod sang school campus.
Apang kun may ginikanan ukon stakeholder naman nga luyag magdonar, ini ang mahimo man apang dapat voluntary ukon kabubut-on.
Panugyan man nga indi tuman ka garboso ang aktibidad.
Sa pihak nga bahin, ang mga private schools ang sarang lamang nga makapatigayon sang end of school rights kag activities sa iban nga venue.
Ang estimate nga graduates subong nga tuig sa Western Visayas ang ginabug-usan sang 320,730, nga ginabug-usan sang 168,025 nga magradawr sa Grade 6 kag 152,705 nga magradwar sa Grade 12.
Samtang nagadangat naman sa 268,451 ang estimate nga total movers nga ginabug-usan sang 122,331 sa Kinder Garten kag 136,320 nga Grade 10.
Samtang ginapahanumdom naman sa teaching kag non-teaching school personnel nga magpabilin nga non-partisan kag ginadumilian man nga magamit ang mga end of school rights kag activities sa pamulitika
