Natapos na ang graduation rites sang pampubliko nga eskwelahan para sa school year nga 2024-2025.
Sa interview sang Bombo Radyo Bacolod kay Department of Education Division of Negros Occidental Public Information Officer Ian Arnold Arnaez, ang iban nga mga buluthuan nakatapos na sang nakaligad pa nga semana sang ila nga end-of-school year (EOSY) rites.
Ginpakigbahin sang man ni Arnaez ang Summer Program timeline sang DEPED, kun sa diin sa Abril 21 tubtob 25 may yara sang Literacy Remediation Program para sa master trainers nga magatudlo sa reading ilabi na sa Grade 3 teachers; Abril 23 tubtob 30, patigayunon ang Bawat Bata Makababasa Program nga training sa mga manunudlo kag tutors nga magabulig sa kabataan nga kulang pa ang abilidad sa pagbasa; Abril 28 tubtob Mayo 2, may Literacy Remediation Program for Teachers and School Leaders; Mayo 8 maga-umpisa ang remedial reading classes para sa mga kabataan nga may problema sa pagbasa; Mayo 13 tubtob Hunyo 6 Summer Remediation Programs para sa summer class; Mayo 19 tubtob Hunyo 13 patigayunon ang Palarong Pambansa; Hunyo 9 patigayonon ang Brigada Eskwela kag sa Hunyo 16 maga-umpisa ang School Yaer 2025–2026.
