sa ka granada ang nakita sa Brgy 8, ciudad sang Bacolod, kahapon sang hapon nga ginpalupok na lang sa area bangod nga indi na matandog.
Suno kay Ranil Anoche, residente malapit sa area, ang granada ang nakita sang manug-scrap kapin alas- 3:00 sang hapon.
Ini ang ginputos sa foam kag nasulod sa gamay nga plastic container.
Suno diri, wala na nila gintandog pa ang granada kag gilayon nga nagtawag sa kapulisan.
Samtang, alas- 5:00 sang hapon na sang nareport sa Bacolod Police Station 2 ang nakit-an nga granada.
Sa interview kay Police Lt. Rhanie Songaling, Deputy Chief of Police sang Bacolod Police Station 2, nagpatawag ini sang Explosive Ordnance Disposal and Canine Group agud nga matsekyar ang granada.
Apang, suno sa EOD team indi na mahimo pa nga matandog ang granada bangod nga may loose na ang pin sini amo nga didto na lamang mismo sa area ini ginpalupok
