Sa Grand Draw sang Swerte sa Palengke Promo sang Bombo Radyo at Star FM 2024, maswerte nga makabaton sang cash prize ang tatlo ka nagabutan nga mga grand winners.
First Prize winner amo si Gina Hele, sang Purok Rosas 2, Km 14, Calumangan, Bago City, sa proof of purchase nga Revicon Forte, kag siya ang makabaton sang P30,000 cash prize.
Suno sa 42 anyos nga tagdaog, nakibot ini sang siya gintawag sang iya bata kag ginhambalan nga ginlawag ang iya pangalan bilang grand draw winner.
Suno diri, ang iya premyo ang iya gamiton para ibakal sang kinahanglanon sa sulod sang balay kag para sa apat ka bata sini nga nagaeskwela.
Second prize winner naman amo si Elsa Tipawan sang Camingawan Proper, Bago City sa proof of purchase nga Surf Powder, kag siya ang makabaton sang P15,000 cash prize.
Suno kay Tipawan, nabatian sini mismo ang paglawag sang iya pangalan bilang winner.
Suno diri, ang iya premyo ang iya gamiton bakal sang maintenance kag dugang sa sulod sang balay.
Samtang, third prize winner naman amo si Irish Jane Dellomo, sang Alunan Baybay, Brgy 35, Bacolod City, sa proof of purchase nga Gardenia, kag siya ang makabaton sang P10,000 cash prize.
Suno kay Dellomo ang iya pemyo ang iya ibakal sang gatas kag mga kinahnaglanon sang iya baby.
Samtang, tatlo naman ka maswerte nga consolation prize winners ang makabaton sang tag-P5,000 kada isa.
Ang tatlo ka winners amo sanday Nenita Delos Reyes, sang #354 Julio Las Piñas Street, Brgy Villamonte, Bacolod City sa proof of purchase nga Surf Powder; Anita Padilla sang Purok Camia, Brgy Poblacion, Bago City, sa proof of purchase nga Gardenia; kag Arnel Lobaton sang Libertad Market, Bacolod City, sa proof of purchase nga Surf Powder.
