Tuman ang kalipay kag pagpasalamat sang mga tagdaog sa Grand Draw sang Swerte sa Palengke Promo sang Bombo Radyo at Star FM 2024 sa pagbaton sang ila premyo.
First Prize winner amo si Gina Hele, sang Purok Rosas 2, Km 14, Calumangan, Bago City, sa proof of purchase nga Revicon Forte, kag siya ang nakabaton sang P30,000 cash prize.
Suno sa 42 anyos nga tagdaog, ang iya nabaton nga kwarta ang iya gamiton pabalon sa iya apat ka mga kabataan nga naga-eskwela.
Dugang pa sini, mabakal man siya sang mga kinahanglanon sa sulod sang balay.
Tuman ang pagpasalamat sini sa Bombo Radyo kag Star FM kasubong man sa promo sponsors sa iya nga pagdaog kag sa premyo nga iya nabaton.
Second prize winner naman amo si Elsa Tipawan sang Camingawan Proper, Bago City sa proof of purchase nga Surf Powder, kag siya ang nakabaton sang P15,000 cash prize.
Suno sa 62 anyos nga tagdaog, ang iya premyo ang iya ibayad sa electric bill, bakal sang kinahanglanon sa sulod sang balay kag bakal sang dugang nga proof of purchase agud nga liwat nga magpasakop sa mga papromo sang Bombo Radyo kag Star FM.
Samtang, third prize winner naman amo si Irish Jane Dellomo, sang Alunan Baybay, Brgy 35, Bacolod City, sa proof of purchase nga Gardenia, kag siya ang nakabaton sang P10,000 cash prize.
Suno diri, iya ginakabig nga blessing ang iya pagdaog nga sa karun siya ang may inugbakal na sang gatas kag diaper para sa iya 10 months old baby. Samtang, tatlo naman ka maswerte nga consolation prize winners ang nagbaton sang tag-P5,000 cash prize kada isa.
Ang tatlo ka winners amo sanday Nenita Delos Reyes, sang #354 Julio Las Piñas Street, Brgy Villamonte, Bacolod City sa proof of purchase nga Surf Powder.
Suno diri, timprano pa ini nagpadulong sa estasyon sang Bombo Radyo para magbaton sang iya premyo.
Ang kwarta nga iya nadag-an ang iya gamiton bayad sa suga kag bakal sang proof of purchase para naman sa masunod nga papromo.
Dugang naman bakal sang bugas ang premyo nga nabaton sang tagdaog nga si Anita Padilla sang Purok Camia, Brgy Poblacion, Bago City, sa proof of purchase nga Gardenia.
Suno sa 67 anyos nga winner, siya ang magabakal man sang maintenance sini nga bulong.
Dako man ang pagpasalamat sang tagdaog nga si Arnel Lobaton sang banwa sang Cauayan, nagatrabaho sa Libertad Market, Bacolod City, sa proof of purchase nga Surf Powder.
Suno diri ang P5,000 cash prize nga iya nabaton ang iya gamiton bakal sang sud-an kag mga kainahanglanon sa sulod sang balay.
Tuman ang kalipay sini sa pagdaog kag nagpangagda sa tanan nga magpasakop man sa papromo sang Bombo Radyo kag Star FM agud magdaog kaangay niya.
