Napanagtag na ang grand prizes sang Barangay kag School Category sa MassKara Festival Street Dance and Arena Competition kadungan sa ginpatigayon nga Parade of Champions sang Domingo, Oktubre 25.
Ang Bacolod City National High School kag Mandalagan Elementary School ang nagbaton sang tig-P750,000 nga premyo, samtang ang Bacolod City National High School ang nagbaton sang P1 million nga grandprize.
Suno kay Bacolod City Mayor Greg Gasataya, yara na sa tagsa ka barangay kag eskwelahan ang desisyon kun paano nila gamiton ang ila nabaton nga premyo.
Samtang, ginpahayag ni Mayor Greg nga magahinun-anon pa siya sa Bacolod Gugma Foundation kun san-o i-release ang premyo para sa mga runner-up kag mga nagdaog sang special awards.
Sa assesment sang Alkalde, nangin madinalag-on ang MassKara Festival 2026 subong nga tuig bangud sa kadamuon sang tao kag nagbisita sa ciudad.
Suno diri, mas maayo ang sales sang mga vendors kun ikumparar sang nagligad nga tuig.
Pahayag ni Mayor Greg nga dako man nga bulig ang partisipasyon sang mga dancer sang Street Dance and Arena Competition nga suno sa iya amo ang “soul” sang Masskara Festival.
Ginkalipay naman ni Bacolod City National High School Principal Richard Gelangre ang madasig nga paghatag sang ciudad sang P750,000 nga grandprize sang eskwelahan.
Sa interview sang Bombo Radyo kay Gelangre, ang P75,000 ang i-hatag sa mga choreographers.
Samtang ang tig-P155,000 ang i-share naman sa tatlo ka mga eskwelahan nga nagpasakop lakip na ang Abkasa National High School, Jovito Sayson National High School kag Progresso Village National High School.
Ini bangud suno kay Gelangre, ini ang ila na ginkasugtan antes paman ang kompetisyon agud sila ang makabawi man sang ila nga mga nagasto.
Nahibaluan nga wala sang runner up sa High School Category kag ang champion lamang ang makabaton sang premyo luwas lamang sa mga special awards.
Suno diri, sa nabilin nga P210,000, buhinan ini sa ginhulam sang eskwelahan nga P45,000.
Ang P75,000 naman ang ipanagtag sa 50 ka mag dancers kag sila ang tig-P1,500 kada isa samtang P500 ang ipanagtag sa 100 ka mga props men nga may kabug-usan nga P125,000.
Ang mabilin nga P40,000 amo ang pagagamiton sa iban nga galastuhon sang eswelahan.
Suno kay Gelangre, matapos ang ila pagdaog, nagmeeting na sila nga daan sa mga manunudlo, dancers, choreographers kag props men kag wala man sang reklamo ukon concerns ang mga ini.
Ini kasunod sa social media post sang anonymous person nga nagreklamo nga P1,500 lamang ginhatag sa mga dancers sang eswkelahan.
Ginpaathag sini nga kun may indi kumbisido, pwede gid makakadto sa ila opisina bangud makita diri ang mga gingasto sang eskwelahan agud mahangpan kun diin sila nagpangita sang pondo.
Masakit suno sa iya nga hambalan nga paldo ang eswelahan bangud ang pila ka mga manunudlo ang nagapulaw bugtaw kag nag-amot apisar nga wala sang share para lamang sa mga estudyante.
