Padulong na sa International stage ang selebrasyon sang Dinagsa Festival 2025 sa Cadiz City.
Nag-umpisa ang misa para sa ika-51 nga Dinagsa Festival alas-7:00 sang aga kag ang walo ka mga tribu nga gikan sa gintingob nga 22 ka mga Barangay ang nagparade gikan sa Cadiz City Hall padulong sa Grandstand.
Sa interview sang Bombo Radyo Bacolod kay Cadiz City Mayor Salvador “Bading” Escalante, ginapasalamat sini nga nangin maayo ang tiyempo sa highlights indi kaangay sang nakaligad nga senimana nga may-ara sang mga nagluntad nga pagbaha.
Suno diri, ginakabig nila ini nga twin selebration bangod sa nagtakop nga Golden Dinagsa kag ang ika-51 nga annibersaryo sang kapiestahan.
Bangod ini ang maragtason para sa ila, mas ginpatemprano ang preparasyon kag makita gid ang enthusiasm sa performance sang tagsa ka tribu.
Paathag sang alkalde nga may mensahe nga luyag ipalab-ot ang mga Cadiznon sa ila nga performances.
Samtang sila ang nagapinsar naman sang ipadayaw sang ciudad sa Panaad sa Negros Festival sa Marso.
Positibo si Escalante nga “going International” na ang Dinagsa Festival.
Suno diri, nagdako ang porsyento sang mga bisita sa Dinagsa nga mga foreigners.
Ilabi na nga ang mga Cadiznon nga yara sa gwa ang nagabalik sa ciudad dala ang ila extended family.
Isa sa mga nangin issue sang tinalikdan nga Dinagsa ang parking, gani sila ang may gintalana nga 36 hectares nga lugar agud mangin parking space.
Dako ang pasalamat sang alkalde sa passion kag compassion sang mga Cadiznon.
Suno diri, ulupod nila nga ginahimo ang best sa 50 ka tuig nga pagbyahe upod kay Sto. Niño, kag nagapati ini nga sila ang paga-updan gihapon tubtob sa masunod nga Dinagsa Festival.
Samtang, nagadagsa nga gasya sang Cadiz City, ang isa sa ginaselebrar sa Golden Dinagsa ukon ika-51 nga Dinagsa Festival.
Sa interview sang Bombo Radyo Bacolod kay Cadiz City Mayor Salvador “Bading” Escalante, sa 50 ka tuig nga pag-upod sa ila sang Sto Niño, sa karun global na ang Dinagsa Festival samtang First Class City naman ang Cadiz.
Paathag sang alkalde nga ang pagkilala bilang first class city ang wala lamang basta ginhatag, kundi ini ang ginpangabudlayan sang mga Cadiznon.
Suno diri, ang bugay ukon grasya ang essence sang Dinagsa Festival, kag ginakalipay sini ang progress, kaangay sang mga programa kag proyekto nga madugay na nga ginsuguran, kag karun nagakahuman na.
Isa sa halimbawa sini ang handom sang tanan nga local government units nga mangin healthy ang mga pumuluyo.
Gani ang Cadiz City ang nag-invest gid sa health pinaagi sa paghimo sang disente nga medical care kag pagtukod sang ospital.
Paathag sang alkalde nga indi na nila luyag nga may makita nga mga pasyente nga ginabulong sa canopy sa gwa lamang sang ospital.
Suno kay Escalante nga sa developments, ma-address na ang mga basic needs sang mga pasyente.
