Opisyal nga gindeklarar sang Guinness World Records bilang pinakataas nga babayi nga ido ang Great Dane nga ginhingadlan nga si Minnie.
Siya ang ginapanag-iyahan sa mag-asawa nga sanday Ken and Lisa Nogacek nga residente sang North Stonington, London.
Sang nag-edad si Minnie sang duha katuig, ginalantaw sang iya nga agalon nga posible ini nga ma-qualify para sa titulo sang Guinness World Records.
Nagdesisyon sila nga hulaton anay nga magdaku gid sang husto si Minnie kag ini ang ulihi nga natakos sang siya ang tatlo ka tuig na.
Si Minnie ang may kataason nga 3 feet, 2 inches kag ginkilala sa Guinness World Records bilang pinakataas nga babayi nga ido.
Siya ang may 1 inch nga labaw sa anay record-holder nga si Lizzy, nga isa man ka Great Dane gikan sa Florida.
