Ginpatigayon na kaina sang udto ang ground breaking ceremony para sa reconstruction sang bag-o nga Bacolod City Health Complex.
Ang seremonya ang nakaschedule kuntani alas-11:00 kaina sang aga apang naatrasar bangod kapin ala-1:00 na sang makaabot sa ciudad si Bacolod City Mayor Alfredo ‘Albee’ Benitez gikan sa Manila sa pagtambong sini sa State of the Nation Address (SONA) ni President Ferdinand ‘Bongbong’ Marcos Jr.
Sa interview sang Bombo Radyo Bacolod kay Engr. Loben Ceballos, officer in charge sang Bacolod City Engineers Office, ang 4 storey building ang may budget nga P220 million kag nakaschedule nga matapos sa sulod sang 32 ka bulan.
Ang itukod ang building ang magapabilin gihapon sa pwesto sang current nga Bacolod City Health Office, kag phase by phase ang patigayunon nga construction halin sa nawala nga bahin sang building.
Sa tion nga matapos na ang pagconstruct sa una nga bahin, isaylo naman ang mga services agud mapatigayon ang construction sa natuo nga bahin sang building.
Ang nagapanguna nga purpose sang pagtukod sang bag-o nga building ang agud makacater sang mas madamo nga pasyente.
Bangod limitado ang space sang subong nga City Health Office, nagahatag sila sang limit sang macater nga pasyente kada adlaw, apang sa 4-storey building mas madamo na ang ila macater kay may standby area pa nga matiniran ang mga nagahulat sang serbisyo.
Pinaagi sini ang mga nagakinahanglan sang basic medical services ang indi na magakinahanglan pa nga magpadulong sa mga ospital.
Samtang mas mangin malapad naman ang parking space sa idalum.
