Nagpatigayon sang ground breaking ceremony para sa bag-o nga athletes dormitory sa Ramonito Maravilla National High School sa Brgy Estefania, Bacolod City, kaina.
Kapin sa P12.5 million nga budget ang gintalana sang ciudad sang Bacolod para sa pagpatukod sang athletes dormitory sa Ramonito Maravilla National High School.
Suno kay Architect Jaries Encabo, Architect in charge sa pagconstruct sang dormitory, matapos nga nakita ni Bacolod City Mayor Alfredo ‘Albee’ Benitez ang ginatiniran nga hayob-hayob sang mga kabataan, nagplano ini gilayon nga patukoran sang dormitory ang mga athletes.
Suno diri, split level ang disenyo sang dormitory, ang upper level amo ang kwarto sang athletes, 16 beds para sa mga lalaki kag 16 beds man para sa mga babayi, kag kada kwarto ang may yara sang banyo.
Samtang, ang lower level naman amo ang para sa coach office kag dining area.
Ini ang ginabanta nga matapos sa sulod sang anum ka bulan nga ginalauman sa Enero sa masunod nga tuig mahimo na nga magamit sang mga athletes ang ila bag-o nga dormitoryo.
