Ginpangunahan ni Bacolod City Mayor Albee Benitez ang ginpatigayon nga blessing kag ground breaking ceremony sang Bacolod City Tree Park sa Barangay Alangilan, kahapon sang aga.
Kaupod sang alkalde sang ginpangunahan ang nasambit nga event amo sanday Vice Mayor El Cid Famillaran, Congressman Greg Gasataya, Almana CEO Mr. Richie Niel Corpus, mga City Councilors kag Barangay Officials.
Suno kay Mayor Alfredo “Albee” Benitez, ang Bacolod City Tree Park ang pagadisenyuhan nga mahimo magpicnic ukon magcamping man.// Suno kay Benitez, kun luyag nga magovernight, nakabutang man sa plano nga butangan sang pasilidad ang Tree Park project nga matiniran agud magpalipas sang gab-i.
Suno diri, indi man maglaom ang mga pumuluyo nga nami ang pasilidad bangud ang ibutang nga pasilidad ang natural kag wala sang himuon nga dalagko nga structure.
Dugang pa sini ara sa plano nga magbutang sang tent kag planuhan pa kun ano nga pasilidad ang nagakadapat nga ibutang didto.
Suno kay Benitez, indi man pang world class ang ibutang nga pasilidad sa lugar apang makahatag ini sang natural nga comfort sa magapadulong didto.
Sakop sang nasambit nga proyekto ang 8.7 hectares sang duta.
