Nagalaom si Atty, Neri Colmenares sang Bayan Muna nga ma-aprubahan ang appeal nga igapasa sa korte suprema batok sa Anti-Terrorism Act of 2020.
Ginapangabay man sini nga may ara sang manindugang nga dugang pa nga mga senador kag congressman sa pagbatok sa layi.
Nagapati naman ini nga indi bilidhon ang layi sa pagbato sa terrorista kundi yara ini para magamit sa mga kritiko sang pangulo sa pungsod.
Nakabutang naman sa layi nga 15 ka adlaw matapos nga mapasar sarang na gilayon nga ipatuman ang layi kag magasugod na ini sa Hulyo 18.
Bangod naman sa padayun nga mga kilos protesta, nagalaom si Colmenares nga indi gilayon pagamiton sang Presidente ang layi bangod sa promisa nga indi ini gamiton sa mga pumuluyo.
Nagapati ini nga maga-tawhay anay ang layi sang pila ka bulan tubtob sa maghina na ang mga kilos protesta kag amo magsugod sa implementasyon.
Ginapatihan man sini nga sa pagdangat sa Hulyo 18, may ara na katungod ang mga otoridad sa pagpangdakop kag pagahemuan nalang sang mga rasun.
Ginalantaw naman nga igafile sang mga ini ang appeal batok sa Anti-Terror Law sa lunes ukon martes nga adlaw.
Nagapati man sini nga mas damo pa sang mga mas importante nga mga hagna ang dapat nga pangatubangon kag para kay Colmenares, incomptent ang gobyerno sa Pilipinas.
Ginpaathag man sini nga ang apela ang wala kaangatanan sa iya pagka “pro” ukon “anti” Duterte Administration bangod madasig nga naga-ilis ang Presidente sang pungsod.
Apang ang layi suno kay Colmenares ang magapabilin sa malawig nga tinuig.
