Nagpanawagan ang chairperson sang Bunyog – Pagkakaisa nga grupo sa siyudad sang Bacolod nga untaton ang land conversion kag iparehas ang sweldo sang mga mangunguma sang probinsya sa national nga sweldohanay.
Sa interview sang Bombo Radyo kay Jurgen Junsay, ginkwestyon sini kun sa diin kuhaon sang presidente ang P20 nga balor sang bugas ilabi na sa karun nga wala na sang agrikultura sa pagpananom bangod sa nagakatabo nga land conversion.
Kasubong man nga luyag sini nga mangin standard ang sweldo sang mga mamumugon kun sa diin sundon sang probinsya ang slwedohanay national.
Aminado man ini nga siya ang nakulbaan sa sobra-sobra nga pag-import sang kalamay nga makatuga sang pagsarurot sang industriya sang kalamay sa Negros ilabi na sa karun nga nagapadayon pa ang milling season.
Samtang, nagpatigayon ang Bunyog – pagkakaisa sang programa sa Fountain of Justice, sa old city hall kahapon sa selebrasyon sang ika 37 nga tuig sang EDSA People Power Revolution sa tema nga katotohanan, kabuhayan, kalayaan, katarungan.
Suno kay Junsay, ang progarna nagapabutyag sa mga pumuluyo nga dumdomon ang sakripisyo sang mga katigulangan sa nahitabo nga People Power Revolution.
