Aminado si Hyacinth Vallador sang ciudad sang Bacolod nga magapagwa man sang kaugalingon nga pahayag kag depensa si Commission on Elections (COMELEC) Ex-Commissioner Rowena Guanzon angot sa insidente sang Domingo sa Dinagsa Festival sa ciudad sang Cadiz kun sa diin nakuhaan ini sang video nga ginyawyaw kag ginatuslok niya sang baston ang kaupod nila nga nagkadto man sa festival.
Sa interview sang Bombo Radyo kay Vallador, tubtob sa karun mabudlay para kay Guanzon nga i-justify ang pahayag sini nga suno kay Vallador, madamo sang saksi sa natabo.
Suno diri, sa statement nga ginpagwa ni Guanzon, wala ini sang may mahimo bangod nga abogada ini nga makahimo-himo sang istorya.
Para kay Vallador, gin-rason na lamang ni Guanzon ang pag-inom kag pagpanigarilyo sang mga ini apang madamo man sang yara sa fiesta nga naga-ilinom kag wala man sang may nagapanigarilyo sadtong tion sa bahin ni Vallador.
Dugang pa sini, sa gin-mensyunar ni Guanzon nga na-akig ini sang may naglapak sang iya tiil, pahayag ni Valldor kun tani may arthtitis ini, wala ini sang kasarang nga mamwersa kag todo nga mangakig.
Suno kay Vallador, kun indi luyag ni Guanzon nga may naga-inom ukon panigarilyo, mahimo sini nga maghambal sang insakto.
Wala naman sang madamo pa nga pahayag si Vallador nga makit-an naman sa video sini ang nahitabo kag suno diri yara na sa tagsa kun sin-o ang patihan nga nagahamabl sang insakto.
